2012, ഏപ്രിൽ 7, ശനിയാഴ്‌ച

ഭൂപടം.


മാറ്റങ്ങളോടൊന്നു മാറ്റുരക്കാനായി

ഭൂപടം തന്നെയും മാറ്റി വരപ്പവര്‍

കേരള ഭൂപടം മാറ്റി വരപ്പവര്‍

ലാലൂരും വിളപ്പിലും പെട്ടിപ്പാലവും

ഭൂപടത്തില്‍ നിന്നും മായ്ച്ചേ കളയുന്നോര്‍

ഭരണ ചക്രം സുഗമാമായ്‌ തിരിക്കുവോര്‍

ഭരണാധികാരികള്‍ എന്നും ജയിപ്പവര്‍

സുന്ദരകേരളം എന്ന സ്വപ്നം

ശാശ്വതമാക്കുവാന്‍ ഏറെ ശ്രമിപ്പവര്‍

ചക്രം തിരിക്കുവോര്‍ മാറീടുമെങ്കിലും

തിരിയും ചക്രത്തിന് മാറ്റമില്ല

അനിവാര്യമായോരാ മാറ്റത്തിനായ്

ശ്രമിക്കുന്ന നമ്മളോ ''ചക്ര''ശൂന്യര്‍

വര്‍ണ്ണങ്ങള്‍ ചാലിച്ച തൂലിക തുമ്പിനാള്‍

ദീനമാം കാഴ്ചകള്‍ വരച്ചു കാണിച്ചവര്‍

പുഴുവരിക്കുന്നോരാ മ്ലേച്ച മാലിന്യം

ക്യാമറ കണ്ണാല്‍ ഒപ്പിയെടുത്തവര്‍

ശബ്ദ നിശബ്ദം അരങ്ങില്‍ നിരന്നവര്‍

എല്ലാം പിരിഞ്ഞു പോയ്‌ അന്യരായി..

ശിരസ്സുയര്‍ത്തുന്നോരീ മാലിന്യമലയുടെ

താഴ്വാരത്തിന്നുനാം ഏകരായി..

ആകാശ ഗോപുര മാളിക കെട്ടി

അതിനൊപ്പമുള്ള മതില്‍ പണിഞ്ഞ്

സഹജീവികളാ൦ ഞങ്ങളെ മാറ്റി നിര്‍ത്തി

നിന്റെ മാലിന്യം മുഴുവനെന്‍ നെഞ്ചിലിട്ടു

ശാലീന സുന്ദരമായോരെന്‍ ഗ്രാമം നീ

നിന്‍റെ ഉച്ചിഷ്ട ഭരണിയാക്കിയില്ലേ....

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ